twitter
rss

MATERI UJIAN PRAKTEK SESORAH

MATERI UJIAN PRAKTEK SESORAH (PAMBAGYAHARJA)
(SESORAH KANTHI NGGINAKAKEN METODE APALAN UTAWI EKSTEMPORAN)

KANGGE SISWA KANTHI ABSEN GANJIL

ATUR PAMBAGYA HARJA KESRIPAHAN

Assalamu’alaikum warohmatullahi wabarokatuh
Innalillahi wa innaillaihi roji’un 3x 
Sedaya titah ing donya menika kagunganipun Gusti Ingkang Murbeng Dumadi. Mbok bilih sampun titi wancinipun ing samangke badhe kapundhut wangsul wonten ngarsanipun Gusti ingkang Maha Kuwaos.  Semanten ugi panjenenganipun almarhum Mbah Karta Dimeja ugi titahipun Gusti. Ing titi wanci wekdal menika ngrumiyini kula lan panjenengan sami katimbalan sowan wonten ngayunanipun Gusti ingkang Maha Kuwaos. Mugi-mugi ndadosna pepenget dhumateng kula lan panjenengan. Amin.
Para sesepuh, pinisepuh ingkang kula bekteni dalasan para takziah sami ingkang kita kurmati, boten kesupen mangga kita tansah ngonjukaken raos puji lan syukur wonten ngarsa dalem Gusti ingkang Maha Wikan. Awit sedaya barokahipun saengga kula panjenengan sami saged makempal wonten ing papan dhuhkita punika kanthi wilujeng.
Para takziah sami ingkang kita kurmati, kepareng matur wonten ngarsanipun ahli waris almarhum Mbah Karta Dimeja, kawula awit  naminipun warga ing kukupan kampung Sidomaju saha para takziah sami :
ingkang sepisan : ngaturaken ndherek bela sungkawa ingkang saklebet-lebetipun saha ndherek dedonga awit sedanipun almarhum Mbah Karta Dimeja. Ingkang kaping kalih : ndherek dedonga mugi-mugi sowanipun almarhum Mbah Karta Dimeja dipuntampi sedaya amal kasaenanipun saha dipunkalebetaken seda ingkang khusnul khotimah. Para bapak saha ibu ingkang kita kurmati ingkang pungkasan mugi-mugi arwahipun almarhum Mbah Karta Dimeja saged kapapanaken wonten swarganipun Gusti Ingkang Maha Wikan saha ndherek dedonga mugi-mugi sedaya kulawarga lan ahli waris ingkang tinilar kaparingan sabar, ikhlas saengga saged nindakaken kuwajibanipun kados padatan.

Mekaten atur panglipur saking sedaya warga lan para takziah. Kirang langkungipun nyuwun agenging pangaksami. Akhirul kalam, billahi taufik wal hidayah, wassalamu’alaikum warohmatullahi wabarokatuh.


KANGGE SISWA KANTHI ABSEN GENEP

ATUR PAMBAGYA HARJA SUPITAN
Assalamu’alaikum Wr.Wb
Para pinisepuh sumawana para pepunden ingkang satuhu kinabekten, para sajana sujana ingkang pantes kinurmatan, para alim ulama ingkang sinaning kitab suci ingkang dados kiblating panembah, para pemuda tumaruna ingkang pantes sinudarsono, Saha sagung tamu miwah putri ingkang pantes pinuju prami.
Para tamu kakung miwah putri, saderengipun kula matur mangga panjenengan sedaya kula derekaken ngunjokaken puja puji syukur dumateng Gusti ingkang maha asih ingkang sampun paring sehat sempat dumateng kita sedaya, saengga kita saged makempal wonten ing adicara mbucal  sukerta ingkang ginadang dening Bagus Bagas Waras putra ragilipung Bapa Slamet punika kanthi sehat walafiyat mboten kirang satunggal punapa.
Para tamu kakung miwah putri, kula manunggal matur ing ngarsanipun panjenengan sedaya punika minangka talanging atur saking Bapa Slamet , keparenga matur:
Ingkang sepisan, bapa Slamet sekaliyan ngaturaken sugeng rawuh dumateng panjenengan sedaya ing adicara punika.
Ingkang nomer kalih Bapak Slamet sekaliyan ngaturaken agunging panuwun dumateng panjenenan sedaya ingkang sampun nglongggaraken wekdalipun kagem hangrawuhi adicara ing siang punika.
Ingkang nomer tiga Bapa Slamet sekaliyan nyuwun agunging samudra pangaksami, hambok bilih anggenipun nampi karawuhan panjenengan sedatya kirang mranani wonten ing manah lan  penggalihipun panajenegan sedaya.
Mboten kesupen, Bapa Slamet sekaliyan nyuwung donga panjenengan sedaya supados Bagus Bagas Waras punika saged daos pemuda tumaruna ingkang sholeh, migunani tumrap bangsa , negara lan agami. Amiin
Kula kinten cekap semanten atur kula, hambok bilih wonten klenta-klentuning atu, kula awit nami pribadi nyuwun agungng samudara pangaksami.
Pungkasaning atur, Bocah kungku ing tengening watu Wassalamu’alaikum Warah matullahiwabarakatuh 

0 komentar |

0 komentar:

Posting Komentar

Langganan: Posting Komentar (Atom)